Fashion Column Foodie

【專欄】【#筷子飲食 Vol. 006 大坑Sushi Hana廚師發辦午餐】

又再去試下唔同嘅廚師發辦午餐,今日去大坑 @sushihanahk 試食十二貫壽司午餐$540。

一直感覺大坑都好好hea,每行兩步就餐廳、酒吧、cafe。大坑 @sushihanahk 午餐價錢屬於中價,座位不多,全部都係壽司吧枱,最多大約只有12-14位。午餐分兩個時段,經常滿座,記得要預約!

 師傅親切 ,會細心講解挑選每一款魚類嘅原因,又會講究客人入口嘅溫度,因為有時魚類要放雪櫃保鮮,上菜前師傅會用一些小技巧令魚生入口溫度配合,可以讓客人食到壽司嘅最好時刻。

 開胃菜師傅送上非常嫩嘅生薑粒,口感比生薑片特別,我哋食唔停。
前菜蟹肉蒸蛋,鮮甜蟹肉加非常滑嘅蒸蛋,壽司後有呑拿魚手卷及麵豉湯、甜品。

十二貫壽司食材由師傅精心挑選合時材料,包括深海池魚、凡立貝、池魚、牡丹蝦、新鮮北寄貝、秋刀魚、野生鰤魚、白魷魚加海膽、鰹魚、馬糞海膽、中拖羅、海鰻。款式聽上去沒有特別,但吃上去卻每一款都有一點點說不出的意外驚喜。特別驚喜係而家最合時食嘅秋刀魚,魚味非常濃郁。

午餐一小時,價錢十分合理,價值內亦包括不少師傅的人情味,一定會再回來,在場也發現不少熟客;差點忘了說,店內幾位師傅也是香港人,師傅有問必答,啱晒對食材有好奇問題嘅我哋。
.
(五星最高/抵)
.

好食 ⭐️⭐️⭐️⭐️⭐️
價錢 ⭐️⭐️⭐️
環境 ⭐️⭐️⭐️
服務 ⭐️⭐️⭐️⭐️⭐️
位置 ⭐️⭐️⭐️⭐️⭐️